കോളിച്ചാൽ: ബേഡകം പൊലീസ് ക്വാർട്ടേഴ്സിൽ വെച്ച് എലി വിഷം കഴിച്ച എസ്.ഐ മരിച്ചു. ബേഡകം സ്റ്റേഷനിലെ ഗ്രേഡ് എസ്.ഐ വിജയൻ (49) ആണ് മരിച്ചത്. കൊച്ചി അമൃത ഹോസ്‌പിറ്റലിൽ ചികിൽസയിലിരിക്കെ ഇന്ന് വൈകിട്ട് ആണ് മരണം. നാല് ദിവസം മുൻപാണ് പൊലീസ് സ്റ്റേഷന് അടുത്തുള്ള ക്വാർട്ടേഴ്സിൽ അവശനിലയിൽ കണ്ടത്. തുടർന്ന് ചികിൽസയിലായിരുന്നു. ഒരു കേസുമായി ബന്ധപ്പെട്ട സമ്മർദ്ദമാണ് ആത്മഹത്യക്ക് കാരണമെന്ന് കരുതുന്നു.
കോളിച്ചാൽ പാടി സ്വദേശിയാണ്. പിതാവ്: കുട്ടിനായ്ക്ക്, മാതാവ്: അക്കാച്ചുഭായ് .ഭാര്യ:ശ്രീജ.മക്കൾ: ആവണി, അഭിജിത്ത് (ഇരുവരും വിദ്യാർത്ഥികൾ), സഹോദരങ്ങൾ: പരേതനായ ജനാർദ്ദനൻ, ബാലാമണി(കുടുംബൂർ), നാരായണി(അഡൂർ).
0 അഭിപ്രായങ്ങള്‍