മലയോരത്ത് കെഎസ്ആർടിസി ബസ് സർവീസുകൾ പുനരാരംഭിച്ചു

 

ബളാൽ - മാ​ന​ന്ത​വാ​ടി, മാലോം - ചെറുപുഴ സർവീസുകളാണ്  ഇന്ന് മുതൽ പു​നരാ​രം​ഭി​ച്ചത്

ചെ​റു​പു​ഴ: കോ​വി​ഡി​ന് മുൻപ് സ​ർ​വീ​സ് ന​ട​ത്തി​യി​രു​ന്ന വെളുപ്പിനെയുള്ള ബ​ളാ​ൽ - മാനന്തവാടി കെ​എ​സ്ആ​ർ​ടി​സി ലി​മി​റ്റ​ഡ് സ്റ്റോ​പ്പ് ബ​സും, രാവിലെ 9 മണിക്ക് മാലോം ടൗണിൽ നിന്നും ചെറുപുഴക്കും സർവീസ് നടത്തിയിരുന്ന ഓർഡിനറി ബസുമാണ് വീണ്ടും ഓടി തുടങ്ങിയത്.

ബളാൽ - മാനന്തവാടി 

പു​തി​യ സ​മ​യ​പ്ര​കാ​രം ബ​ളാ​ലി​ൽ നി​ന്ന് രാ​വി​ലെ ആ​റി​ന് പു​റ​പ്പെടുന്ന ബസ് 7.10ന് ​ചെ​റു​പു​ഴ​യിലും 9.20 ന് ​ഇ​രി​ട്ടി​യി​ലും 11.20 ന് ​മാ​ന​ന്ത​വാ​ടി​യി​ലും എ​ത്തും.  തിരികെ മാ​ന​ന്ത​വാ​ടി​യി​ൽ നി​ന്ന് ഉ​ച്ച​യ്ക്ക് 2.45 PM ന് ​പുറപ്പെടുന്ന ബസ് വൈ​കു​ന്നേ​രം 5.00 PM ന് ഇ​രി​ട്ടി​യിലും, 7.30ന് ​ചെ​റു​പു​ഴ​യി​ലും 8.15 ന് ​ബ​ളാ​ലി​ലും എ​ത്തും.

രാത്രിയായാൽ ചെറുപുഴയിൽ നിന്ന് വെള്ളരിക്കുണ്ട്  ഭാഗത്തേക്ക് ബസ് ഇല്ലാത്തതിനാൽ ബുദ്ധിമുട്ടിയിരുന്നവർക്ക് ആശ്വാസം നൽകുന്നതാണ് വൈകുന്നേരത്തെ ട്രിപ്പ്.

മാലോം - ചെറുപുഴ

ഹിൽഹൈ​വേ വ​ഴി​യു​ള്ള മാ​ലോം -​ചെ​റു​പു​ഴ സ​ര്‍​വീ​സ് രാ​വി​ലെ 8.20 AM ന് ​ചി​റ്റാ​രി​ക്കാ​ലി​ല്‍​നി​ന്നും മാലോത്തേക്കും എ​ത്തു​ന്ന ബ​സ് 9 AM ന് മാലോം ടൗണിൽ നിന്നും ചെ​റു​പു​ഴ​യ്ക്കും, 10.00 AM ന് ​ചെ​റു​പു​ഴ​യി​ൽ​നി​ന്നും മ​ട​ങ്ങി  മാലോത്തേക്കും, 10.50 ന് ​മാലോം ടൗണിൽ നി​ന്നും ചി​റ്റാ​രി​ക്കാ​ലി​ലേ​ക്ക് പു​റ​പ്പെ​ടും.

മാലോത്ത് നിന്നും ഹിൽഹൈവേ​യിലൂ​ടെ വയനാട് അടക്കമുള്ള ജില്ലകളിലേക്ക് കൂ​ടു​ത​ല്‍ ദീർഘദൂര ബ​സു​ക​ള്‍ ആ​രം​ഭി​ക്ക​ണ​മെ​ന്നാണ് മലനാട് മേഖലയിലുള്ളവരുടെ വർഷങ്ങളായുള്ള ആവശ്യം.

മലനാടിന്റെ സ്പന്ദനങ്ങൾ തത്സമയം ലഭിക്കാൻ 

🛎️ Join Telegram Channel

👉 Like our Facebook Page