വെള്ളരിക്കുണ്ട്: അവികസിതമായ വെള്ളരിക്കുണ്ട് താലൂക്കിന്റെ സമഗ്രവികസനത്തിന് മലയോര മേഖലയിൽ പുതിയ പഞ്ചായത്തുകൾ ആവശ്യമാണ്. ജി​ല്ല​യി​ലെ​ത​ന്നെ ഏ​റ്റ​വും വി​സ്തൃ​തി​യു​ള്ള കി​നാ​നൂ​ര്‍-​ക​രി​ന്ത​ളം പഞ്ചാ​യ​ത്ത് വി​ഭ​ജി​ച്ച് ഒരിക്കൽ പ്രഖ്യാപിച്ച പ​ര​പ്പ പ​ഞ്ചാ​യ​ത്ത് രൂപീ​ക​രി​ക്ക​ണ​മെ​ന്ന ആ​വ​ശ്യം ഇ​പ്പോ​ഴും മലയോര മേഖലയിൽ ശ​ക്ത​മാ​യി നി​ല​നി​ല്ക്കു​ന്നു​ണ്ടെങ്കിലും മറ്റൊരു വലിയ പഞ്ചായത്തായ കോടോം ബേള്ളൂർ കൂടി വിഭചിച്ചു കാലിച്ചാനടുക്കം ആസ്ഥാനമായി പഞ്ചായത്ത് രൂപീകരിക്കാനാണ് ഭരണകക്ഷിക്ക് താല്പര്യം. അതുപോലെ ബളാൽ വെസ്റ്റ് എളേരി പഞ്ചായത്തുകളുടെ കിഴക്കൻ മേഖലയിൽ നിലകൊള്ളുന്ന മാലോത്ത് വില്ലേജ് ഉൾപ്പെടുത്തി മാലോം ആസ്ഥാനമായി പഞ്ചായത്ത് പ്രഖ്യാപിക്കണമെന്ന് ആവശ്യവും മലനാട് പ്രദേശങ്ങളിലുള്ളവർ വർഷങ്ങളായി ഉന്നയിക്കുന്നു. വെസ്റ്റ് എളേരി, ബളാൽ പഞ്ചാ​യ​ത്ത്കളുടെ കിഴക്കേറ്റ​ത്തു​ള്ള ആ​ളു​ക​ള്‍ സ​ര്‍​ക്കാ​ര്‍ സേ​വ​ന​ങ്ങ​ള്‍​ക്കാ​യി കി​ലോ​മീ​റ്റ​റു​ക​ള്‍ സ​ഞ്ച​രി​ച്ച് വേണം ബളാൽ/ഭീമനടി ടൗണുകളിൽ എത്താൻ എന്ന അ​വ​സ്ഥ നിലവിൽ ര​ണ്ട് പ​ഞ്ചാ​യ​ത്തു​ക​ളി​ലുമുണ്ട്.

പരപ്പ, മാലോം തുടങ്ങിയ കിഴക്കൻ ടൗണുകൾ ആസ്ഥാനമായി പു​തി​യ പഞ്ചാ​യ​ത്തുകൾ വന്നാൽ രാ​ഷ്ട്രീ​യ സ്വ​ഭാ​വ​ത്തി​ല്‍ യു​ഡി​എ​ഫി​ന് മേ​ല്‍​ക്കൈ ല​ഭി​ച്ചേ​ക്കു​മെ​ന്ന ആ​ശ​ങ്ക​യാ​ണ് ഇ​ക്കാ​ര്യ​ത്തി​ല്‍ എ​ല്‍​ഡി​എ​ഫി​നെ പി​റ​കോ​ട്ടു വ​ലി​ക്കു​ന്ന​ത്. മുൻപ് ബേഡഡുക്ക, പനത്തടി പഞ്ചായത്തുകൾ വിഭചിച്ച് കള്ളാർ പഞ്ചായത്ത് വന്ന് യു​ഡി​എ​ഫി​ന്റെ ഉറച്ച കോട്ടയായി മാറിയതും ഇടത്പക്ഷത്തിനു അനുഭവമുണ്ട്.

പരപ്പ പരിഗണിക്കാതെ കി​നാ​നൂ​ര്‍-​ക​രി​ന്ത​ള​ത്തി​നൊ​പ്പം വലിയ വി​സ്തൃ​തി​യു​ള്ള കോ​ടോം-​ബേ​ളൂ​ര്‍ കൂ​ടി വി​ഭ​ജി​ച്ച് കാ​ലി​ച്ചാ​ന​ടു​ക്കം ആ​സ്ഥാ​ന​മാ​യി പു​തി​യ പ​ഞ്ചാ​യ​ത്ത് രൂ​പീ​ക​രി​ച്ചാൽ ര​ണ്ടു പ​ഞ്ചാ​യ​ത്തു​ക​ളു​ടെ കാ​ര്യ​ത്തി​ലും വി​ശാ​ല​മാ​യി പ​ര​ന്നു​കി​ട​ക്കു​ന്ന ഭൂ​വി​സ്തൃ​തി പൊ​തു​ജ​ന​ങ്ങ​ള്‍​ക്ക് വി​വി​ധ സ​ര്‍​ക്കാ​ര്‍ സേ​വ​ന​ങ്ങ​ള്‍ ല​ഭി​ക്കു​ന്ന കാ​ര്യ​ത്തി​ലും വി​ക​സ​ന​പ​ദ്ധ​തി​ക​ള്‍ ന​ട​പ്പാ​ക്കു​ന്ന കാ​ര്യ​ത്തി​ലും ഒ​രു പ​രി​ധി​വ​രെ പ്ര​തി​ബ​ന്ധ​മാ​കു​ന്നു​ണ്ട്. 

​ബേ​ഡ​ഡു​ക്ക, പ​ന​ത്ത​ടി പ​ഞ്ചാ​യ​ത്തു​ക​ളെ 2000 ല്‍ ​വി​ഭ​ജി​ച്ച് യ​ഥാ​ക്ര​മം കു​റ്റി​ക്കോ​ല്‍, ക​ള്ളാ​ര്‍ പ​ഞ്ചാ​യ​ത്തു​ക​ള്‍ രൂ​പീ​ക​രി​ച്ച​താ​ണ് ജി​ല്ല​യു​ടെ മ​ല​യോ​ര​മേ​ഖ​ല​യി​ല്‍ ഏ​റ്റ​വും ഒ​ടു​വി​ല്‍ ന​ട​ന്ന പ​ഞ്ചാ​യ​ത്ത് വി​ഭ​ജ​നം. അ​ത​ത് പ്ര​ദേ​ശ​ങ്ങ​ളു​ടെ തി​ക​ച്ചും സ​മ​തു​ലി​ത​മാ​യ വി​ക​സ​നം ഉ​റ​പ്പു​വ​രു​ത്താ​നാ​യി എ​ന്ന​തു​ത​ന്നെ​യാ​യി​രു​ന്നു ഇ​തി​ന്‍റെ നേ​ട്ടം.